Related Articles
Karen Ramkulh Kahdohnak Ah SAC Ralkap 90 Leng An Thi, PDF 8 Nunnak Liam: Karen ramkulh, Kyainnsaitkyi peng Taungsun kahdohnak ah SAC ralkap 90 leng an thi i PDF 8 an nunnak a liam ve tiah Kawtulay rallap Lion Battalion in chim phuannak nawl ngeitu pakhat nih a chim.
January 1, zinglei suimilam 4:00 ah Taungsun khua ummi SAC ralkap le BGF minung 200 hrawng umhmun an khuarnak sakhan le BGF nih umhmun an khuarnak sakhan hna cu Bu Al Sae Wa hruai mi Lion Battalion, SOF, KNU/KNLA battalion 16, AMGRY drone phu, SSDF drone phu, Federal Ming drone phu, AIMS drone phu le AURS mine tlaitu phufonh nih an kah hna i SAC ralkap 90 leng an thi tiah theih a si.
“SAC ralkap le BGF 23 cu kanmah lei sniper kahnak ruang ah an thih caah kahdohnak chung he a thimi dihlak hi 90 leng an si. Ni 4 chung ah SAC ralkap nih Mi 35, Y 130 raltuknak vanlawng, SU-30 raltuknak vanlawng hna hmang in voi 60 leng an kan kah. Tualchung hriamtlai Lion Battalion in ralkap 2 le SOF ralkap 6 tiin minung 8 nih ram le miphun caah an nunnak an pek” tiah Lion Battalion in chim phuannak nawl ngeitu nih a chim.
Kani Peng Ah Riahcaw Phortu SAC Ralkap Tilawng Kah A Ton Caah Facang Tun 82 PDF Nih An Lak: Sagaing ramṭhen, Kani peng Ngaphiat(ငါးဖျတ်) khua pawngah Monywa in a chuakmi SAC ralkap riahcaw phortu tilawng kan kah caah facang tun 82 le thilri dangdang kan lak i, tilawng zong mei in kan khangh, tiah Department of information – DRPA in ṭuanvo ngeitu ralkap Nyo Min nih a chim.
January 3 zinglei ah Monywa in a chuakmi tilawng 2 cu zan sml 8:00 hrawngah Ngaphiat khua pawngah a pahnihnak tilawng cu kan kah, cu chungah SAC ralkap 7 lawng an um, tiah a chim. “A hmai deuh tilawng chungah SAC ralkap 70 hrawng an um i a hnu deuh tilawng chungah SAC ralkap 7 lawng an um. Kan kah nak hmun hi a hlan ahcun ti a thuk ngai nain atu cu ti a zor cang caah ti a kao cang,” tiah ralkap Nyo Min nih cun a chim.
Kan kahmi tilawng cu kan lak lai kan ti lioah kaphnih kar kahdohnak a zual i kan la kho lo. SAC ralkap 2 an thih caah 5 cu tichung ah an zuang i khattelei tilawng ah an vaa i fonh, tiah a chim. PDF nih SAC ralkap riahcaw facang tun 82, kalape tun 10, chiti phung 1, ralkap hmanmi ruksai 3, le kuankham angki an lak, tiah theih a si. Cu kahdohnak ah DRPA le anmah he ṭangṭi phu a simi KLG hna i bawm in SAC ralkap ca ah riahcaw phortu tilawng cu an kah, tiah theih a si. Credit: The Chin Post
