Related Articles
Nu hna caah taklawng i ih hi kan nih Lai miphun ruahnak ahcun ningzak le zohdawhlo phun ah kan rak ruah ttheu tawn, kan ruahmi le kan lungput hi kan siamremh caan zong a herhnak tampi a um. Zeicatiah nu hna taklawng i ihnak nih hin thil ttha tampi a chuahter khawh, an ngandamnak ca zongah a ttha pin ah nuvaa siinak ca zongah zalonnak tampi a peek. Hurduhcuainak caah ttialmi a si hrimhrim loh, hi nih hin na caah tthathnemnam tampi an peek lai tiah zumh a um.
1. Mit-kuh A Thawtter: The American Academy of Sleep Medicine lei nih cun tihin an chim “taklawng i na ihnak nih na taksa caah ngandamnak tampi a chuahter”. Hruk-aih siseh Pajamas tibantuk he na ih tikah khin na thisen kalning (circadian rhythm) a control i, mit-kuh thaw tein kan ih khawh lo hlei ah nu hna ngandamnak lei caah a ttha lo ngaimi thil pakhat ah a chuak kho tiah an chim.
2. Nu Hna Chiattha Caah Ngandamnak A Si: ‘The Sex Drive Solution for Women’ timi cauk ttialtu, Jennifer Landa nih cun “nu hna taklawng i kan ih ah khin kan chiattha caah ngamdamnak pakhat a si” tiah a chim. Zeicatiah nu pawl chiattha hi nikhua chiat/tthat (climate) bantuk a si an ti i amah tein a cin khomi le a ro khomi a si caah a cin tikah zawtnak hrik (bacteria) hna kai/ngeih a fawi. Cu caah a cin lo nak hnga thil hruk/aih loin taklawng he ih khawh a si ahcun nu hna caah ngandamnak a si. Nu hna an ngandam ahcun an lung ton zong a fawi tiah an ti ttheu tawnmi kha a si.
3. A Sexy Fawn: Nu hna taklawng an um lio khi pa nih kan hmuh hna tikah kan i lunghmuih pin ah kan i nuam an ti. Nu le pa karlak pehthlaihnak ah a biapi ngaimi cu duhnunnak, dawhnak le caaknak (Nuva siinak tuah duhnak) hna hi an si. Na pasal thinlung chungah taklawng i na um piak tikah zalonnak na pek bantuk a si i a hlei in na duhnunnak zong a lang khun. Nupa siinak hman tikah a tlaang piin pa deuh hi a cawlcangmi an si tikah nu nih hin zalong tein kan cawlcanghter hna hi a biapi i cu hna cu taklawng ihnak te hna nih hin tampi pa caah tthathnemnak a peek hna.
4. Nupa Siinak Hman Duhnak Thinlung A Ngeihter: Dr. Landa nih cun “taklawng i kan ih tikah nupa siinak kan hman hi a tam deuh tawn” ti’n a chim. Minung hi zeibantuk thinlung a pumi kan si zongah zalong tein um hi a duh dihmi minung kan si hna. Nu le pa zaan kan ih tti tikah thil hruk-aih hnawk nawn he nu hna kan um a si ahcun pa thinlung ah rian a ttuan ding tluk in a ttuan kho lem lo. Asinain taklawng he ih ahcun kheeng chung i rawl chiahcia bantuk khi a si.
5. Zinglei Ah I Kholh/Ttawl A Hau Ti Lo: Nu hna nih an huat bikmi le an zuam lo bikmi cu zing nichuah ka i i kholh/ttawl hi a si ttheu tawn. Rian a ngeimi hna ca le bang ahcun a hleice in midang an thawh hlaan minutes 30 aa duh ah thawh hmasa a hau ttheu tawn. Cu ti zing chiar te thawh i harsa ngaiin i kholh/ttawl nak cha cun taklawng in it hmanh zeihmanh tuah hlaan i bathroom kal leen kha a hau ti lai lo. Chim duhmi cu na thawh le cangka na hruk dingmi thilri kha thlen hau lo tein naa hruk kho colh.
6. Rian A Tlawmter: Hnipuan chah le hnok cemcuam in le Pajamas tibantuk naa hruk tikah naa hruk-aih mi ithlen nak nih na caan zeimaw zat kha a laak cang pin ah a herh loin phaisa tampi na dihter. Cu caah taklawng in ih ziar kha i thim deuh koh, zeipaoh na caah a fawi deuh hrimhrim lai.
