Thawngpang Ttha Tuk: Kan Hnung Mizoram Sumo Accident Ruangah Hringtu A Nu Nih A Thih Takmi Ngakchia Bawhte Kha A Voikhatnak A Mit A Vun I Au A Si

Related Articles

Fanu Mitthli: Na Temh Lai Ning Ka Ruah Hin Ka Celhlo, Na Zei An In Tuknak le Dennak Dah A Fak Bik, A Hnubik Na Mui Zoh Awk Te Hmanh Umlo Lakin Ma An In Hrem Ko

March 23, 2023

Lung A Faak Ko: Mizoram, Saiha Ah CDF Ka Si Tiin Chin Mi Minung (3) A Thah Hna

March 23, 2023

“Kai Thongh Lai Paoh Ah Nuva Siinak Hi Ka Sikhawh Chungin Tuah Kai Zuam” Tiah UFC Champion Hlun Ronda Nih A Chim

March 22, 2023

Thawngpang ttha taktak theih a si, kan hnung i Mizoram, Champhai ah Sumo Accident a tongmi hna lak ah aa tel vemi ngakchia bawhte cu January 5, 2023 zaanlei suimilam 6:00 hrawng ah khan accident an ton hnu a voikhatnak a mit fiang tein a van i au a si tiah thawng theih a si. A mit zong au sawhsawh si loin a tthep leen tiah theih a si i oxygen an pekmi zong nikhat hnu nikhat a tlawm chin lengmang cang tiah thawngttha theih a si.

Ngakchia bawhte hi a min ah Esther Lalmuanawmi a si i kum 1 le thla 4 tluk ngakchia te lawng a si rih. Kan hnung ah Sumo Accident an tonnak ah hringtu a nu nih cun a hmun lila ah a liam taak kha a si. Esther tu cu a dam rih caah Aizawl Civil Hospital, ICU ah zohkhenh colh a rak si i a tu cio te lawng a mit a voikhat a vun i au nak cu a si.

A tu zong hi Aizawl Civil Hospital, ICU ah zohkhenh cuahmah lio a si rih. Hi ngakchia bawhter Esther hi thlacampiaktu zong a ngei taktak ti a si, veng tthenkhat hna ahcun Khrihfabuu zing thlacamnak kip ah thla an campiak tiah an chim. Nikhat hnu nikhat an tthat ziahmahnak hnga le zeihmanh zualhmatnak a ngeihnak hnga lo thlacam in bawm cio hna usih.

Kahdohnak Thawngpang: Karen Ramkulh Kahdohnak Ah SAC Ralkap 90 Leng An Thi, PDF 8 Nunnak Liam: Karen ramkulh, Kyainnsaitkyi peng Taungsun kahdohnak ah SAC ralkap 90 leng an thi i PDF 8 an nunnak a liam ve tiah Kawtulay rallap Lion Battalion in chim phuannak nawl ngeitu pakhat nih a chim. January 1, zinglei suimilam 4:00 ah Taungsun khua ummi SAC ralkap le BGF minung 200 hrawng umhmun an khuarnak sakhan le BGF nih umhmun an khuarnak sakhan hna cu Bu Al Sae Wa hruai mi Lion Battalion, SOF, KNU/KNLA battalion 16, AMGRY drone phu, SSDF drone phu, Federal Ming drone phu, AIMS drone phu le AURS mine tlaitu phufonh nih an kah hna i SAC ralkap 90 leng an thi tiah theih a si.

“SAC ralkap le BGF 23 cu kanmah lei sniper kahnak ruang ah an thih caah kahdohnak chung he a thimi dihlak hi 90 leng an si. Ni 4 chung ah SAC ralkap nih Mi 35, Y 130 raltuknak vanlawng, SU-30 raltuknak vanlawng hna hmang in voi 60 leng an kan kah. Tualchung hriamtlai Lion Battalion in ralkap 2 le SOF ralkap 6 tiin minung 8 nih ram le miphun caah an nunnak an pek” tiah Lion Battalion in chim phuannak nawl ngeitu nih a chim.