Related Articles
Nihin ah Chinland Defence Forc-Hakha le SAC ralhraang karlak ah kahdohnak a chuak. Hi kahdohnak hi an langhter ning ahcun zinglei suimilam 8:00 AM hrawngah CDF-Hakha nih an fuh hna, SAC lei in minung pakhat an thahkhawh i hliam a tuarmi zong an um tiah an langhter.
CDF-Hakha nih cathanh an chuahmi ahcun hi kahdohnak kan tuah le cangka Kalaymyo lei in Mi-35 raltuknak Helicopter nih a rak bawmh colh hna i Timit lei i a um mi kan ralkap pawl an kah hna tiah thawng an thanh asinain Pathian a ttha, kan ralkap lei cun hliam a tuarmi hohmanh an um lo i an him dih tiah thawng kan theih. Pathian sin ah mipi nih thlacam in bawm zungzal ko hna usih, kannih nih kan tuahkhawhmi zeihmanh um lo, Pathian sin tuah thlacampiak peng ko hna usih.
Hitihin CDF-Hakha nih cun cathanh an chuahning a si “Nihin 29 Tangkhawng(January) 2023 ah Chinland Defense Force-Hakha le SAC ralhrang kahdohnak a um. Hi kahdohnak cu zinglei sang suimilam 8:00Am hrawng ah cawbuk gate a hngak mi SAC uico ralhrang pawl cu Hakha-CDF nih kan va fuh hna i kan kah hna caah uico ralhrang pakhat a thi i,a dang zong hliamtuar an um leng rih. Kalaymyo lei in Mi-35 raltuknak helicopter nih a rak bawmh hna i Timit lei um mi a kan kah nain Pathian thawng in kan mah lei kan him dih” tiin cathanh an chuah.
