Related Articles
Kum 21 tluk a simi nu pakhat cu a rian kal taakin uico bantuk ah full-time in a tlongleng, Uico bantukin a vahnak ahcun uico taktak he i zuanhnawh len lio cu Tiktok video ah a hung laar taktak. A ttuan tawnmi a rian cu kal taak riangmang in uico bantuk cun a vaakvai tiah report nih cun a langhter.
Jenna Phillips, kum 21, a simi nu pakhat cu Tiktok ah a hung laar ngaingai, Tiktok ahcun thepuppygirljenna ti min hmangin account aa tuah. A hlan a rian hi mittarbenh dawr ah rian a rak ttuan tawnmi a si cu a rian cu kaal taak in uico bantukin a tlawnleennak cu Tiktok ah a post tawn, cu thil a tuah tawnmi nih cun £700,000 tluk phaisai a hmu cang. OnlyFans zongah cu tthiamtthiam in video tete a post tawn i phaisa tam taktak a hmuhnak ah a cang. Hi nu nih video pakhat a post mi ahcun uico bantukin a hngawng ah hri an oih i a vah bu cun an hruai lio a rak post, cu video cu 9.5 million tluk nih an zoh, cutluk cun a laar manh taktak.
Hibantuk in aa tuahmi hi amah lawng a si loh midang tete zong an tam ngai cang, phaisa hmuhnak ti cang ahcun zeituah paoh kha an ttih lo i an ning zong a zak lem lo. Phillips hi OnlyFans (kumtling lawng nih zohkhawhmi app pakhat) zongah video a thlah tawn i a laar ngaingai, thlakhat ah dollar 20 hi subscriber a ngeihmi in a hmuhmi a si. A chim mi cu “uico bantuk thinlung ka ngei” tiah a ti. A kaakip i tlik le vah hi ka duh, heh tiah i kual chih len le ka luu hna ah an ka muai tibantuk hi ka duhmi an si tiah a chim.
Uico bantuk ah khin kaa ruah ko amahbelte hur/hor lei thil tuahmi cu a si ruam lo tiah a chimchap. Fak le thangtthat tibantuk hi ka duh. Ka video ka post mi tete ka zoh tawn ah kaa lunghmuih i kaa uangthlaar ngaingai tiah a ti, thangchiatnak zong tampi ka tong ko nain zei ah khin ka rel theng lem lo zeicatiah ka duhmi thil a si i keimah ka nun a si ko caah a poi ah ka chia lo” tiah a chim.
