Vanlalsailoa Hi A Rak i Miak Tuk Hi Teh, A Nupi Ding Hi Mi Men Lo Pei A Rak Si Hi (Hmanthlak)

Mizoram chung cu chim lo Chin ramchung hmanh a hnin tu hlasakthiam Vanlalsailoa cu nupi a ngei ve cang lai tiah tualchung mizo media tampi nih an hun langhter cang. Vanlalsailoa hi kan theih cio bantuk in kan nih Chin miphun ca hrim ah tampi thazaang a chuahtu a si. Anih hi mino te a si in Pathian a ttihmi pasalttha a si tikah Love song in Pathian hlasa a si i nihin tiang Pathian sunparnak caah tiin thangtthatnak hla a sa zungzal. Kanmah Chin mi tthithruainak zong in voi tampi USA le Europe hna ah cah a si cang.

Chin miphun zong nih kan cawisaan taktak i a bia le hla in a si tikah Chin mino tampi zong nih an uar khun nak a si. Tutan ah nupi a ngei cang lai tiah thawng a darh tikah kan lau cio nain kan rak lawmhpi tthiamtthiam ko. A nupi hi mizeidah a si timi kan zoh tuah hna lai. Vanlalsailoa nupi ding hi a min B. Lalrinfeli ti a si i Lunglei, Chanmari ah khua a sami a si tiah theih a si. A tu ah cun Aizawl, Upper Khatla ah a rian a ttuah cuahmah lio a si tiah theih a si i B. Lalrinfeli hi a rian a tlaihmi zong a ttha hringhran, Feli hi Aizawl, Khatla ah sihni (advocate) dirhmun in rian a tlai cuahmah lio mi a si.

Nungak fel, Pathian a ttihmi le chungkhar hna nih bochan taktakmi a si tiah an chim i a mui zong nih a pek ngaingai. January 25, 2023 ah khin an puai cu tuah timh a si i Dawrpui Biakinn ah a i ngei lai tiah theih a si. An i ngeihnak ding Dawrpui Biakinn hi Mizoram Presbyterian Biakinn vialte lak ah a ngan/lian bik a si tiah theih a si. Hi Biakinn nih hin minung 2000 paoh cu a tlum lai tiah an chim. Amah Vanlalsailoa hrimhrim zong nih an hman lio mi Social media hmang in a nupi ding Feli cu a rak phozar cang.

Hmanthlak cung ah hi tihin a ttial chih “Kum caan saupi nupi caah thla ka rak cam tawnmi cu a tuah leh in ka um cang. Pathian cung ah kaa lawm i ka dawt Cindy zong ka voikhatnak phozar a si tik ah a ruahzia ka thiam hram uh.” tiin Vanlalsailoa nih cun a rak langhter. A hlan Sailo cu a tar thai te ko lai hih an timi cu January 25 ahcun Biakamnak a tuah ve ruangmang ko cang ne lai.

About admin

Check Also

Mizoram Ah Kawlram Minung A Thattu Pa Pakhat An Tlaihkhawh Cang

Mizoram Ah Myanmar Mi Pakhat A Thattu An Tlaih Khawh: India, Mizoram ramkulh Aizawl ah …

Leave a Reply

Your email address will not be published. Required fields are marked *