Related Articles
Kan theih cio bantuk in Pathian hlasa (Gospel Singer) Vanlalsailoa cu January 25, 2023 ah khan tlangval siinak in aa din ruangmang ve cang. Vanlalsailoa hi Chin miphun tampi zong nih kan uar ngaimi hlasa pakhat a si, anih hi hlasak lawng si loin Pathian Bia hrimhrim hi a aupi, hla in siseh a bia lei in siseh a kal tik ah tthangthar mino tampi zong nih an uar khunnak hi a si.
Cun Vanlalsailoa nupi hi a min ah B. Lalrinfeli (Cindy) tiah theih a si. Lunglei, Chanmari ah khua a sami a si tiah theih a si. Cun Cindy hi mi sawhsawh a si lo, Aizawl, Khatla ah hin Advocate dirhmun in rian a tlaih cuahmah lio zong a si tiah theih a si. Nungak fel, Pathian zong a ttih i chungkhar zong nih bochan taktakmi nusal pakhat a si tiah chungkhat sahlawh rualchan le media tthenkhat zong nih an chim.
Pathian hmai ah biakamnak an tuahnak Biakinn hi Dawrpui Biakinn ah a si tiah theih a si. Dawrpui Biakinn hi Mizoram Presbyterian Biakinn vialte lak ah a ngan/lian bik a si tiah theih a si i hi Biakinn nih hin minung 2000 paoh cu a tlum lai tiah theih a si. A cunglei konghe pehtlai in Sailoa Kawi a simi Robert Lalduhzuala nih Youtube ah Vlog (video tawite) a tuahmi ah Sailo te nupa an ihnak ding ihkhun a rak langhtermi hi a si. Hi an ihkhun hi India phaisa in Rs 50,000 (Kawlram phaisa cun Kyat 1288000 man tluk hrawng a si) man dihmi ihkhun a si. Mizoram cu chim hlah India sining zong he tuak tik ah ihkhun man faak pawl cu a si ttheu lai.
Sailoa te nupa nih an hman dingmi ihkhun sertu hna hi kum 30 lengluang hibantuk thil lei ah hmuhtonnak a ngei cangmi a si i an kawi Robert nupi ngeih lio zong ah a lak tein a rak serpiak cang hna. Hi ihkhun an ser ah hin zarhhnih tiangte bak caan an la. Cun hi Sailoa te nupi ihkhun hi USA lei in laksawng ah an rak chuahmi a si i an kawi Robert nih ttuanvo laak dawh a si. A tanglei ah hin VIDEO zong zohkhawh chih a si.
