Related Articles
Minthang, milaar, pumpululh celhthiam Cristiano Ronaldo fapa upabik Cristiano Ronaldo Jr nih hin ngaknu maw a ngeih timi biahalnak nih tulio vawleicung media kip nih an i buapi taktakmi a si. Minthang fapa upabik zong a si i tubantuk media kip an buailennak zong hi khat lei kam cun a phu ve hrimhrim ko. Van zoh tti cio tuah hna usih.
Cristiano Ronaldo Jr (fapa) hi Cristiano Ronaldo nih fa panga a ngeihmi hna lak ah upabik a si. Ronaldo Jr hi USA, San Diego, June 2010 ah a chuakmi a si. Hi a fapa upabik hi kum sarih chung amah te lawng fa a ngeihmi a si i kum sarih hnu ah phir Eva le Mateo cu June 2017 ah an hung chuak.
A fapa Ronaldo Jr nih hin a thli in ngaknu a ngei ko tiah an chim, cu nu cu a hohmanh nih a sining an thei kho rih lo tiah media tampi nih a langhter. An pahnih hman an i thlak ttimi cu tulio internet ah a hung laar tuk hringhran, asinain cu hman aa thlak pimi nu cu a ngaknu a si tiah fehternak cu a um hlei rih lo.
Asinain tuhi an buaibikmi le i al/elnak a chuah bikmi cu a pa Ronaldo nih hin ngaknu ngeih cu a sianh ko hnga maw tihi a si zeicatiah a fapa Ronaldo Jr hi kum 13 lawng a si rih pin ah hringtu a pa Ronaldo hi fa zohkhenh lei ahcun a cian (strict) ngaimi a si i a fapa tthanlianhnak ding ca zongah biatak tein aa zuammi a si. A fapa upabik hringtu a nu hi nihin tiang theihhngalh a si rih lo.
Hi hringtu a nu konghe pehtlai in Ronaldo nih hin Jonathan Ross (media lei) sin ah a rak chim balmi cu hitihin a si “mipi tampi nih cun cu nu he cun an um tti, cu deuh he zong an um tti a si loah cii (sperm) laak in hrinmi a si an ti. Hi kongah hin a hohmanh tak hmanh ka chim hna lo i a chim zong ka chim hlei fawn lai lo. Cristiano (fapa) hi a hun tthang te lai. Biatak cu ka chimh hrimhrim te ko lai zeicatiah ka fapa pei a si cu, mipi chim seh ti an ka duh ruangah khan ka chim hlei lai lo” tiah a rak chim bal.
Ronaldo Ngaknu a simi Georgina Rodriguez hmanh nih hin a fapa ngaknu hi a thei kho lo. Georgina Rodriguez hi Ronaldo fale tthanlianhnak ah tampi aa telmi a si amah hrimhrim zong nih fa zong a hrinpiak ve cang. Ronaldo aa celh caan tibantuk zongah hin a fale cu aa hruai hna i a lenglei in heh tiah an ttang/aukhuang tawn. Ronaldo nih hin fa panga a ngeih hna upabik hi Ronaldo Jr a si i kum 13 a si, a chang ah phir Eva le Mateo an si i kum 6 an si, hi phir hna hi cii ronh in hrinmi an si.
A dang pahnih hi cu a tu a ngaknu Rodriguez nih a hrinpiakmi an si Alana Martina hi 2017 November ah khan a si i April 2022 ah khan phir a hrinpiak tthan i pakhat cu a nunnak aliam i pakhat tu nih a dampi hna. Georgina hi Ronaldo fale panga zohkhenhnak ah hringtu an pa tluk tein a biapimi a si. Cu caah a fapa Ronaldo Jr nih hin ngaknu ngei sehlaw a theih colh ding phun khi a si. Asinain Rodriguez zong nih cun a thei hlei lo.
Netflix documentary pakhat ah “I am Georgina” timi cu January 2022 ah khan released an rak tuah i cu ahcun Rodriguez nih hin Ronaldo Jr nih ngaknu a ngeihnak kong cu a rak chim bal. “Ronaldo Jr nih ngaknu a van ngeih tik ah khat lei kam cun nih hna a chuak thulh. Na kan tonter a hau cun nawl kan pek lawnglawng ah na ngei fawn lai, na nu tak hmanh sihlah ning law” tiah a chim.
Hi ti a langhning ahcun Rodriguez hmanh nih zeihmanh a thei kho loh tinak a si. Kum 13 lawng a si rihmi Ronaldo Jr hi a pa Man Utd i a rak kir le cangka in Manchester United academy ah aa celh. Hmanhsehlaw voi 5 tiang Ballon d’Or a co cangmi Ronaldo nih Man Utd a chuah tik ah a fapa zong khoika academy ah dah aa celh lai timi a fiang kho rih lo.
