Related Articles
Oman i um Chin kan farnu pakhat bawmh hau in khua a sak cuahmah lio a si. “Yangon puaisa nih Dubai ah rian um cia in kan kuat lai a ka ti i midang kut in Dubai ah a rak ka kuat. Dubai ka phak in Dubai puaisa nih Oman ah a ka kuat tthan. Oman ah cun thlakhat tluk rian ka ttuan manh. Ka paw faak i inn ngeitu hna nih sizung ah an ka kalpi. Siibawi nih cun na pawpi alser a ka ti.
Cutikah inn ngeitu lei nih cun na chung le pawl phaisa hal hna law nan ram ah tlung ko an ka ti. Kan ram tlun ding cun ka pa nih le mizeng a si i ka nu zong a lung ttha lo ngaingai. Cuti a si caah kan ram ahcun kir kho ka si lo, kan puaisa sin ah Yangon van tlun ta duak dingin rak ka bawm ta law, ka dam tthat bak in ramdang ah ka kal tthan lai i kan baa mi vialte cu kan cham tthan lai tiah bawmh ka hal. Asinain Yangon puaisa nih cun kan bawm kho lai lo tiah a rak ka ti.
Ka rianttuannak hi inn dot 3 saang a si, rawlchumh, inn thianh le mawtaw 6 ttawl a si. Ka rianttuannak ahcun zeihmanh buainak ka ngei lo, rianttuan dingin kalmi kan si timi kan i fiang tuk ve. Reite (Tanphaya) hmun hna an ngei i cu hna zong cu ka thianh pah tawn. Nikhat ah rawl voikhat lawng an kan pek caah kan paw hi a faak lengmang. Cuti a si caah sikhan an kan kalpi tawn i kan hlawh vialte zong cu sizung kalnak ah an hloh dih tawn.Tuhi puaisa inn ah ka um cuahmah lio a si i tisa le cite cawhmi haang ka din tawn, hitibantuk i um cu ka caah a har hringhran ko. Cu caah bawmh ka rak in halnak hi a si.
Ka pawpi alser le ka ril ah thling a um caah ti kik ka din paoh le minutes 5 hnu ah ka luak tthan dih tawn. Thlacam dah ti lo tuahkhawhmi ka ngei lo, a tu le bang cu thlacam hmanh hi ka lung ah a um ti lo. Zinglei suimilam 4:30 ah ka tho i zaan suimilam 12 hnu ah ka it tawn. Nikhat ah voikhat lawng rawl an kan pek. Tlunnak ding tiah va fuh awk hohmanh an ttha lo, ka chungkhar zong cu ka ruat tuk fawn hna. A tuah damlo in ka um i bawmh ka herh taktak ko, Ka siinak hi ka zahpi lo, mipi hna hmuhkhawh ding cio in rak ka thlahdarh piak ulaw” tiah Vapual Auaw sin ah ca an kuat tiin Vapual Auaw nih a langhter.
Vapual Auaw hi Chin miphun nih media ngan pakhat kan i ngeih vemi a si. Hi media hi Falam lei nih zohkhenhmi a si i tubantuk in thawngpang a rak thanh hi a si. A cunglei konghe pehtlai in theihfian le hlathlai a duhmi caah Whatsapp number +959885858674 ah hin chawnhbiak khawh a si lai, a tu hi bawmhnak a rak halmi nu hi a facebook min ah Khawlhring Fanu Duat Lai tiin a um.
