Related Articles
Ngaih a chia tuk ti hlei cun chim ding hi a har ko, tthangthar mino nunnak a pemi zeitluk in dah an tam cang, zeitluk in dah chungkhar hna an ngaihchiat lai, zeitluk in dah an lungfah lai, ruah deuhdeuh ah hin a celh in celh awk ttha lo. Nihin ah mino pahnih sualnak ngei lo ralhraang nih an thah tthan hna.
Nihin January 24 ah an thahmi hna mino pahnih hmanthlak cu an rak tarlangh. Chindwin News Agency nih a langhter ning ahcun hi mino hna pahnih hi Yangon Urban Guerrilla (YUG) phu hna chungtel an si tiah SAC ralhraang nih an sining thei thlu loin an thah hna hi a si. Tubantuk in an thah hna ni le caan belte cu fiang in theih a si rih lo tiah an langhter chap.
Hi an thahmi hna mino pahnih hi nihin ceo lawng ah an hmanthlak an rak tarlangh hi a si i an thah lai hna ah hman an thlak tami a si lai tiah zumh a si. Cun kan rak langhter cang bantuk in an thahnak hna hmun le hma cu fiang tein theih a si lo nain Yangon chung ahcun a si ttheu lai tiah an zumh. Tubantuk in hmanthlak an langhter tik ah an thahnak hna hi a sau theng lai lo tiah an zumh.
Cun SAC ralhraang nih an langhter chapmi cu Urban Guerrilla Phu chung ah aa telmi paohpaoh cu a tubantuk in thah a tongmi mino pahnih bantuk in thah nan si ve lai tiah an langhter chap tiin Chindwin News Agency nih cun a langhter.
