Related Articles
A Pa He An I Hngilh Lio I A Tlau Mi Kum (6) Ngakchia Pa A Ruak In An Hmuh: February 18 lio ah Pakokku Khualipi um mi New Day Datsi dawr ah Datsi an chiah hnu , Datsi phorhnak motor tang ah Pafa hna cu zan an ih lio a pa aa hngilh kar ah a fapa (kum 6)te cu a tlau.
Kawlhawl nak an tuah i Ni 4 a rauh hnu nihin February 22 ah aruak in tikhor chung ah an hmuh tiah theih a si.
A thi mi ngakchia te a ruak ah zei khonden nak hmanh a um lo ti chung a tlak ruang ah a thih mi a si ko tiah ngamdam nak le thi hlut nak phu nih a chim.
Thawngdang Relchih: Wetlet PDF Ralkap 16 Cu NUG Kuttang Palik Phu Nih An Tlaih Hna: Sagaing ramṭhen, Wetlet peng hrambunh Wetlet hriamtlai pakhat a simi Wetlet GZ Special Task Force phu in ralkap 19 cu February ni 18 thawk in NUG kuttang Wetlet peng palik phu nih an tlaih hna, tiah Wetlet GZ Special Task Force in ṭuanvo ngeitu GZ nih a chim.
February ni 18 ah Wetlet GZ Special Task Force in pa 16 le nu 3 cu an tlaih hna i, February ni 19 ah nu 2 le pa 1 cu an thlah ṭhan hna nain a taangmi 16 tu cu an thlah rih hna lo, tiah theih a si. Annih hi NUG kuttang Shwebo pengkomh Battalion 2 nih an tlaihmi hna a si i, anmah le anmah tlaihkhihnak kong ah anmah he aa pehtlaimi ṭuanvo ngeitu hna nih an sersiam hna ding ka duhpiak tiah, GZ nih a chim.
Shwebo pengkomh Battalion 2 in ṭuanvo ngeitu nih sualnak pakhat he pehtlai in kan tlaih hna i chekhlatnak kan tuah hna. Kan tlaihmi hna cu nuhrin covo he aa tlak ning in chekhlatnak kan tuah ko hna, tiah a chim. Wetlet GZ Special Task Force phu cu NUG kuttang PDF an si lo i, Wetlet peng hrambunh hriamtlai phu lawng an si, tiah theih a si.
