Related Articles
Kawl ralkap lubik a simi Min Aung Hlaing nih 76th Myanmar Union Day i zaanriah i hrawm tti dingin puai a tuahmi chungah kan Chin miphun in Dr Ngun Cung Lian zong aa tel ve. A tanglei amah hmanthlak nge zong hmuhkhawh a si i Laithuam in tthitmi coat bak aa hruk rih.
February 12 i Naypyitaw ah tuahmi 76th Myanmar Union Day ah Kawl ralkap lutlai a simi Min Aung Hlaing nih zaanriah dumttinak caan a serchih. Hi tonnak ah hin tlangcung hriamtlai phu hna palai a kalmi zeimawzat an um tiah The Irrawady nih a langhter. Daihnak ser konghe pehtlai in ramkhel tthenkhat hne le Kawl ralkap hna zong tonbiaruahnak an ngei chih tiah theih a si.
Thawngpang Dang Relchap: Ni 12 Chung Kahdohnak Ah Chin Ralkap Nih SAC Ralkap 45 An Thah Hna, Meithal Zun 50 Leng Chuh An Tong. Chin ramkulh, Matupi peng le Thantlang peng ah February ni 1 in ni 11 tiang kahdohnak a chuak i CNA, CDF ṭangṭi phu nih SAC ralkap 45 nak tlawm lo an thah hna pin ah 22 leng hliamhma an pu. Meithal zun 50 leng kan chuh hna, tiah Chin National Front(CNF) nih an langhter.
February ni 4 ah CNA Brigade 1 hmunram, Matupi le Rezua khua kar Zotung hmunram ah SAC ralkap 150 hrawng cu CNA ၊ CDF – Matupi ၊ CDF – Zotung ၊ CDF – Mara nih an kah hna caah SAC ralkap 40 nak tlawm lo an thi, 20 leng hliamhma an pu, tiah an langhter. February ni 1 lioah CNA Brigade 3 a simi Thantlang ah palik 6 tlaih an rak tong i, February ni 8 ah GAD zung le palik sakhan cu Chin ralkap hna nih an rak laak ṭhan, tiah CNF sin in theih a si.
February ni 4 ah CNA Brigade 4 hmunram chung ah CNA le CDF- Hualngoram ralkap hna nih riahcaw phurtu ZRA phu cu Laitui khua pawng ah an rak kah hna i ZRA ralkap 1 an thih pin ah 2 hliamhma an rak pu. February ni 1-11 tiang kahdohnak ah SAC ralkap 45 nak tlawm lo an thi i 22 nak leng hliamhma an pu. CNA ralkap 3 nih ram le miphun ca ah an nun an pek ve i 2 hliamhma an pu. Helicopter le Fighter nih voi 10 bomb a thlak pin ah Hakha 266 in hriamngan kah an bawmh hna, tiah theih a si.
