Related Articles
BreakingNews: Turkey le Syria ram ah Lihninhnak faak tuk (Earthquak) a chuak, a tutiang ah a thi mi hi minung 2,300 nak tlawm lo an si cang, nikhua a chiat tuk caah michanhtu caah zongah minung kawl a harsa ngai tiah theih a si. Atu hi miruak kawl cuahmah lio a si. Update tthan khawh lengmang kan rak i zuam lai.
Hi Lihninh hi 7.8 magnitude bak in a faakmi a si tiah Times Of India hna nih cun a langhter. Minung ruak an charmi hi 2300 tluk an si cang, inn sang tamtuk a cimh caah tuhi miruak an kawl cuahmah lio a si i a thi mi hi an tam chin lengmang lai tiah zumh a si. Inn tibantuk le tlakrawh tibantuk nih a nenhmi hna minung zong tampi an um rih lai tiah an zumh hi tuhi michanhtu hna nih a sikhawh chung in an i zuam cuahmah lio pi a si.
Nihin Cawn nikhat i Turkey ram ah Lihnihnak a chuahmi hi kum 1939 lio tan i Turkey ram ah lihninh tluk in a rak faak tiah an langhter. Kum 1939 December thla lio i Turkey ram li a rak hninh ah khan minung 30,000 bak an rak thi tiah Stephen Hick, lihnih lei researcher, nih cun Twitter ah a rak ttial. Kan rak langhter cang bantuk in tuhi miruak an kawl cuahmah lio a si.
Manipur Ramkulh Ah Ralzaam Dirhmun In Aa Dormi Myanmar Mi 10 Tlaih An Tong Ṭhan: India, Manipur ramkulh New Lanka, Vaal veng khua ah ralzaam dirhmun in aa dor i theihpinak a ngei lomi Myanmar mi 10 cu pengkomh palik nih February ni 5 ah an tlaih hna tiah theih a si. Tlaihkhih a tongmi hna hi Sagaing ramṭhen, Monywa peng in minung 9 le Kalaymyo in 1 an si, pa 6 le nu 4 tiin an dihlak minung 10 tlaih an tong.
Monywa peng in tlaihkhih a tongmi hna hi Daw Zin Ma(kum 50), Ma Kyu Kyu(kum 20), Ma Tin Tin(kum 25), Ma Soe Soe(kum 20), Daw Khin Khin(kum 25), Ma Khin Moe Moe Zaw(kum 20), U Zaw Htat(kum 45), U Aung Khine(kum 47), Ko Naing Win Htun(kum 23) le Kalaymyo, Tahan sang ummi U Lal Ṭha Kima(kum 52) hna an si. Ralzaam dirhmun in aa dormi hna tlaihkhih an tonnak kong he pehtlai in Manipur Chief Minister N.Biren Singh nih mizei bantuk an si zong ah theihpinak tel lo le phungning loin ramdang mi cohlannak hmuh a si ah cun hmalaaknak kan tuah lai tiah a mah social media ah a langhter.
January ni 27 ah Manipur ramkulh Moreh peng ah theihpinak ngei lo ralzaam dirhmun in aa dormi Myanmar mi 81 an rak tlaih cang hna, January ni 30 zong ah minung 4 an rak tlaihchap hna tiah theih a si.
