Related Articles
A poi tuk hringhran, February 21 zaan suimilam 12:30 AM tluk hrawngah Vanzang Tlang, Tlangpi Buarpi Camp ah SAC raltuknak vanlawng nih bomb voihnih tiangte a thlak tiah theih a si. Zeitluk in dah khuami hna an thinphan lai i an lungretheih lai. Thlacamnak in bawm cio hna usih.
Hi SAC ralhraang nih vanlawng in bomb an thlakmi ah nunnak a liam mi an um le um lo thawngpang fiang a um rih lo, amahbelte CNA ralkap pakhat hliamhma faak ngai in a pu mi cu um dawh a si tiah thawngtheih a si. Hi konghe pehtlai in The Chin Post zong nih hitihin a langhter “Breaking News: SAC Jet Fighter nih Tlangpi i Buarpi Camp ah bomb a thlak than tiah theih a si! Voihnih a hel hnuah Myanmar caan 12:30am hrawngah a thlak hi a si! Khuami le kan miphun ralkap hna caah thlacam bawm cio hna usih” tiin an langhter.
Thawngdang Relchih: Lihninh Ruang Ah Minung Tampi An Thihnak Turkey Ah Lihninhnak A Chuak Ṭhan: Lihninhnak a chuah ruang ah minung tampi an thihnak Turkey ram ah February ni 20 ah lihninhnak voi hnih tiang a chuah ruang ah minung 3 nunnak a liam, innchung ah aa hrengmi hna cu mibawmchantu nih an chanhchuah cuahmah hna tiah theih a si.
February ni 6 lioah a tha fakmi lihninh a chuahnak Syria ramri pawng Turkey ni chuah thlanglei ah 6.4 le 5.8 a tha fakmi lihninhnak a chuah hnu ah lihninhnak a cang ṭhan. February ni 20, zan suimilam 8:4PM ah 6.4 a tha fakmi lihninhnak a can hnu minutes 3 a rauh ah 5.8 a tha fakmi lihninhnak a cang ṭhan tiah Turkey Disaster Management Agency nih an chim. Lihninhnak a can ṭhan ruang ah minung 213 nih hliam an tuar tiah Turkey Minister of the Interior nih a chim. Syria ram ah cun minung 470 nih hliamhma an tuar tiah theih a si.
A luancia February ni 6 ah a cangmi lihninhnak ruang ah Turkey le Syria ah minung 46,000 leng nunnak a liam i minung sing reng lo umnak ngei loin an um tiah theih a si.
