Related Articles
MAH ralkap CDM a tuahmi pa a zaw i a nupi he ka sinah a rak ka zoh ter. A typhoid, a thin phing, a bikin a thi rang a niam tuk caah thlop lo cun tih nung tiah ruahnak ka pek. A thaizing ra u tiah ka ti hna. An ra ti lo. Ka lung tha lo i ka call hna. Phaisa kan ngei lo an ti.
Phaisa kongah nan lungre thei hlah uh! Nanmah bantuk ralzam mizaw harsa taktak bawmhtu ding kan tam tuk tiah ka hei hnemh hna. Ka clinic ahcun an rak ra i an pa cu ka thlop hram ka thawk. Culakah an fapa te zong a dam lo nak in zarh (2) si cang i a tuah awk theih loin a tak linh caan ah Para te lawng an rak dinh. A fapa medical check up ka tuah tikah a pa bantuk a rak si ve. An fapa ka zoh dih in an nu nih zaan ahhin ka ttang ah hling nih chunh bantukin um i thawchuah a hman lo. Ka hnu lei keng tangruh hi a fak tuk i thaw chuah awk ka ngei tawn lo tiah thin phuduk in a ka chimh len.
Aw na lungre theih caah stress tamtuk caah si. Zawtnak a si lo tiah ka ti i a hmaite a vun i panh than. Keimah zong pafa bantukin zaw ve ning law zeitindah khua kan sak lai tiah a lungchung in a vun ruah ding kha ka zangfak tuk. Kei cu kawl holh cu ka thim lo caah kan Pa nih MAh ralkap kong cu a hei hal len. Culakah a ka chimh than mi pakhat cu ral kut in asiloah ral ram ah an thih tikah zei bawmhnak hmanh an chungkhar le an pe hna lo caah an duty nak hmun in an khua zongah kir nak an ngei lo a ti.
MAH ralkap zong an rak tuar tuk ve. Raltuk hi cu ral a tu mi ralkap nih hin an duh lo bik lai nain. Kan ralkap nih an duh lo cem mi ral hmanh an doh ahcun dothlennak caah kan chawva cu kan rak sian tuk awk a si ko. Credit: Dr Pari
