Related Articles
Ephraim Lian Rum nih a mang i a hmuhmi cu Facebook cahmai ah a rak i tar. Cucu Chin miphun nih harnak kan ton dingmi vialte kan khampiak dih hna lai tiah Vancungmipi nih a ka chimh ti a si.
Lian Rum hi Chin miphun nih a thei lo kan um lai lo dah, Sabbath ram ahcun bochan taktakmi pa a si. Sabbath zumhnak ah fek tein a dir i Sabbath Biaknak hi a dikmi a si tiah a aukhuang ngamtu pa pakhat a si ve. Amah nih a hman cuahmah mi Facebook zongah Sabbath kongkau siseh Biaknak dangdang kong tete zong a rak ttial lengmang tawn.
Nihin February 16, 2023 i a Facebook cahmai ah a rak tarlangh mi nih Chin miphun ruahchan tampi a kan pek ttheu cio lai dah tiah zumhnak a um. Hi tihin a tarlangh ning cu a si “Ka mangah Chin ram chung ah Har a tlung ding mi vialte kan kham piak dih hna lai tiah Vancungmipa nih a ka chimh”tiin a rak langhter.
Thawngdang Relchih: Ayartaw Peng Ah SAC Ralkap 6 PDF Nih An Thah Hna: Sagaing ramṭhen, Ayartaw peng No. 10 ralkap cu hriamngan in kan kah hna caah officer telh in SAC ralkap 6 an thi, an ruak cu mei in an khangh hna, tiah Danger Force LPDF sin in theih a si. February ni 12 ah No. 10 um SAC ralkap pawl cu 80mm hriamngan in voi 5 kan kah hna caah 6 an thi. An ruak cu February ni 14 ah Ayartaw thlanhmun ah an khangh hna i pawngkam ummi Kyiazan sehzung haukulh zong a kaang chih, tiah theih a si.
“Hriamngan voi 5 in kan kah hna caah SAC ralkap 6 an thi. An ruak cu a thli tein an khangh hna lioah Kyizan sehzung haukulh zong mei in a tlaihchih caah meithat motor an auh hna i an phalh,” tiah Danger Force LPDF in ṭuanvo ngeitu nih cun a chim. Cu kahdohnak ah Danger Force LPDF, Kyeni, SFF, People’s Revolution Force(PRF) ၊ APOSTLE hna i bawm in an kah hna. SAC ralkap nih hriamngan le hriamhme he an kah ve hna caah PDF lei in ralkap pakhat hliamhma a pu ve, tiah theih a si.
