Related Articles
Bodybuilder lar ngaimi pa pakhat nih cun nupi 2 a neih hnuah biachahnak ngei tthan in, a 3 nak hi cu a lungtongbikmi pa lem (a ttuh) cu nupi hrangah ngeih tthan aa timhnak cu a chim. Vawlei cung theihin bodybuilder lar ngaimi ah aa telmi Yuri Tolochoko nih cun a nun chungah a voikhatnak nungak lem (a ttuh) cu nupi ah aa siam i, a nupi cu caan tlawmpal ah a hrawh tthan dih ruangah a tthen colh i, a nupi 2 nak hrangah ar lem (a ttuh), a min ah Lola tiah a sakmi, cu nupi ah aa siam tthan.
Kazakhstan pa tthawng le lar ngaimi Yuri nih cun tuan deuh te ah khan amipi (fans) hna sinah nupi a ngeih tthan dingmi cu a chimh tthan hna, a nupi 3 nak hrang ahcun pa lem (a ttuh) cu ngeih aa timhnak kong cu a chim chap. Pa lem he duhthusam takin len tti cu a thinlung ah a khat ngaingai tiah a chim cu a si. Yuri Tolochko nih cun a hlan pi khan nu le pa karlak thleidannak ah zeihmanh thleidannak ka ngei lo i ka hmuh ning hna aa khat dih timi kong cu a rak chim bal cang fawn.
Tu zongah ‘The Dating Show’ on FUBAR Radio ahcun nupi 3 nak a ngeih dingmi cu i phuhrunnak zeihmanh ngei lo in a chim i, a 4 nak zong hi ka ngei zau lai tiah hnabeiseinak ka ngei ko tiah a langhter rih. Kum 2021 March thla dih lei hrawng ah khan Instagram leiah a followers hna sin ahcun nupi thar Lola a neihmi cu tarlangh in a nupi cu ar lem bantuk ah a siam. A cunglei (a lu) cu minung bantukin a si i a tanglei hi ar bantukah a tuah. Cucu biatak tein a dawt i nupi ah aa ser ko.
A chim ning ahcun, “Margo he cun kan i tthen cang i, kan i tthennak a ruang bik hi chim ah a ttha rih lai lo tiah ka ruah ti’n mipi theih ding cun fiang hlang bakin a chim cu a si.
Thawngdang Relchih: Matupi – Mindat Lampi CDF-Matupi Nih Ṭha Tein Chekhlatnak An Tuah, Chin ramkulh, Matupi-Mindat motor luh/chuahnak lampi ah khammi thilri, minung hna le SAC he pehtlaihnak a ngeimi vialte cu CDF-Matupi Battalion 1(Eagle Battalion) nih ṭha tein chekhlatnak kan tuah tiah 2023, February ni 3 ah an thanh.
Matupi cu Chin ramkulh thlanglei ah a ummi a si i, SAC ralkap Battalion 2 le Office of Southern Military Strategy an hram bunhnak hmun zong a si. Matupi – Mindat lampi cu Matupi nih a bik in hmanmi motor lam a si leng ah Matupi peng khua tampi nih a bik in hmanmi lampi a si.
Cu motor lam ah cun Non CDM, Dalan, SAC ralkap hna he pehtlaihnak a tuahtu hna telh in an chungkhar hna le khammi thilri an phurh le phuh lo felfai tein chekhlatnak kan tuah. Khammi thilri a phurtu hna le SAC ralkap hna he pehtlaihnak a ngeimi hna kong ah aho paoh nih kan sin ah thawngpek khawh peng kan si tiah CDF-Matupi Battalion 1 chungtel pakhat nih amah pumpak Social Media ah a langhter.
