Related Articles
Liverpool hero Steven Gerrard fanu, kum 19 tluk upa hrawng a si i tuhi Social Media ah duhtu le uartu a ngah taktak tiah theih a si. Tuchan mi laar deuh nih an hman cemmi Social Media Instagram zongah Followers tam taktak a ngei cang tiah report nih cun an langhter. Kum 19 lawng a si rih caah Steven Gerrard nih hin a veen ngai a hau lai tiah capo phun in an langhter chih.
Liverpool le England caah player ttha taktak legend bantuk a simi le Aston Villa manager zongah a rak ttuan bal cangmi Steven Gerrard i fanu Lilly-Ella Gerrard Social Media lei ah duhtu le uartu a ngei tam taktak tiah report nih cun an rak tarlangh. Sport Bible nih a tarlangh ning ahcun Steven Gerrard fanu Lilly-Ella nih hin Instagram page lei ah Followers 177,000 tluk tiang bak a ngeih cang ti’n an langhter, a page ah cun a hmanthlak dawh taktak tibantuk zong a rak post ve lengmang tawn.
Report nih an tarlangh tthan ning ahcun Lilly nih hin Social Media lei zongah Sponsorship deal tampi a ngei i a sponsorship ngeihmi zat hi brand 10 an tling cang tiah a langhter. Tubantuk in amah sponsor tute lak ah hin Fashion Company ngan taktakmi pakhat Boohoo zong aa tel ve tiah theih a si. Daily Mail nih an tarlangh ning ahcunkum 18 tluk lawng upa mi influencer nih hin Pound (europe phaisa) 60 million tluk hi cu a hlawh cang tiah an langhter chih. Hi pin lei zongah Company lian taktak tthenkhat nih cun deal ngeihpi dingin an i zuam cuahmah lio a si tiah an chim tthan.
A tu ah kum 18 tluk te lawng a si rih i a hmailei nun cu a ceu ngaingai ti a fiang. Mi tampi nih Lilly a pa Steven Gerrard hi kan thei lo kho men nain Liverpool fans nih cun philh awk a ttha lai lo. Gerrard hi a ngakchiat tein Liverpool academy ah a um mi a si i pumpululh in aa dinh tiang cuticun Liverpool captain tiang sinak in aa din thai, sullam cu Club dang ah voikhat hmanh a chuih lo tinak a si. Amah hi Liverpool he Champion League hraipi zong 2005 ah khan AC Milan cu tei in an rak cawi bal. Half-time hlan ah AC Milan nih 3:0 in an rak tei hna nain caan dih tiang ah goal thum cu an cham tthan hna cuticun Penalty in Liverpool nih teinak an hmuh i cu tuanbia cu nihin ni tiang philh khawh a rak si lo, mi tampi nih cun Istanbul miracle ti tiangin theih rak a si.
Liverpool in pumpululh chuih aa dinh hnu ah MLS lei ah chikhat caan te a va chuih tthan i tubantuk in Manager dirhmun rian a tlaih hi a si, a voikhatnak manager a tlaih hi Rangers Club ah khan a si i cu hnu cun nihin tiang Aston Villa zongah coach dirhmun in rian a rak tlai cang. Liverpool caah cun Legend pakhat a si ve.
