VIDEO: “Chinlung Chuak Hlasakthiam” Hna Nih “We Are The World” Timi Hla An Sakmi Van Zoh Cio Uh, An Thiam Lawlaw Khi Si

Related Articles

Fanu Mitthli: Na Temh Lai Ning Ka Ruah Hin Ka Celhlo, Na Zei An In Tuknak le Dennak Dah A Fak Bik, A Hnubik Na Mui Zoh Awk Te Hmanh Umlo Lakin Ma An In Hrem Ko

March 23, 2023

Lung A Faak Ko: Mizoram, Saiha Ah CDF Ka Si Tiin Chin Mi Minung (3) A Thah Hna

March 23, 2023

“Kai Thongh Lai Paoh Ah Nuva Siinak Hi Ka Sikhawh Chungin Tuah Kai Zuam” Tiah UFC Champion Hlun Ronda Nih A Chim

March 22, 2023

Zeitluk in dah Chin miphun hi Pathian nih lam a kan hruai tihi mithmuh kuttongh in a lang chin lengmang ko, tutan SAC ralhraang nih phung ning loin uknak an laak tikah Kawlram (Chin miphun) mipi awlokchong le vansang au in kan um lio caan ah kan Unau a simi Mizoram nih zeitluk in dah an rak kan dawt, hihi philh awk a ttha lomi Chin miphun nih kan tuanbia ah kan i ttial bak dingmi a si.

Tutan kan dothlennak ah mino tampi nih hriamtlai in ralhraang an doh, tthenkhat nih suingun chawva in an ttang ve. Mah le thiamning le sining cio in ttan rak laak cio a si i tutan zong kan Chin miphun hlasakthiam hna le kan unau Mizo hlasakthiam tampi hna kawp in “We Are The World” timi hla an van sak tikah lung a hmui hringhran, khat lei kam cun hnarruh hna a ttam, unau kan sinak hna a thar in a hung chuak tthanmi bang a lo. Tutan kan dothlennak nih hin Chinlung Chuak unau tampi a kan fumtom ko tihi a tak in a lang chin lengmang.

Tutan an hlasakmi hi vawlei pumpi theih in a rak laarmi Michael Jackson nih a phuahmi a si i “We Are The World” ti cang ahcun bawhte tiang hmanh nih an theih lai ti awk in a um, Chinlung Chuak unaurual hna nih an vun sak tthan ve tikah lung a hmui i hi nih hin kan caah tthatnak tampi a chuahpi lai tiah zumhnak zong a um. Vawleicung kip nih an ngaih cang lai i zeitluk in dah kan tuar aihramnak kha an rak hmuhkhawh cio lai.

Tutan ah Chinlung Chuak unau hlasami hi minung 24 bak an si, a thiam zong an thiam taktak. A satu hna hi, Atea PB (Boomarang), Benjamin Lianpi, Benjamin Sum (Guys From Chin), Betty Mang Hlei Tial, Biak Hlei Par, David Lai (Guys From Chin), Emily Ngung Hlei Sung, G’nie, Henry Varte, Honey Khuaitizu, Jenevy Sui, Lian Lian, Liandingpuii, P Thawngbawi (Guys From Chin), Rebecca Lallawmsangi, Rema (To Coda), Sangtei Khuptong, Shinbia, Van Hlei Sung, Vari Varte, Yellow Muzik, Zoramchhani, Zorema Khiangte le To Coda Band hna an si.

Music Video hi Chintube ah zohkhawh a si, Chintube hi Chin miphun caah biatak tein rian a ttuanmi an si, nai te zongah Vanapa Hall ah Chintube Award a tuah i Mizo kan unau le Chin miphun karlak i dawtnak zong tampi a fehtertu phu an si.

Credit: Chintube