Related Articles
Thawngpang chia theih a si tthan: Chinland Defence Force-Thantlang in Salai Moses nih ram le miphun caah a nunnak a pek tiah theih a si. February 16, 2023 ni cu Chin ram Thantlang khuapi cu khua ci a mui ko, Kawl ralhraang jet vanlawng nih voi 40 tiangte bomb a thlak tiah theih a si.
Pasalttha Salai Moses hi a nunnak a liam tiah fehter a si cang. A dang belte thawng fiang in theih a si rih lo. Hitluk in ralhraang nih jet vanlawng hmang in bomb an kan thlak nain Pathian kut cak a lang i nunnak a liam mi an tam lo, hi ti ruah ahcun nunnak tamtuk liam ding a sinain Pathian kutcak aa phuang ko. February 16 hi Chin miphun tuanbia ah philh awk a ttha ti lo dingmi ni le caan a si.
Tubantuk ralhraang nih jet vanlawng hmang in bomb tamtuk a thlak tikah kan pasalttha hna aa hliam mi tam ngai dawh an si tiah thawngpang a leng. Nunnak a liam mi belte hi Salai Moses lawng fehter a si, pasalttha Salai Moses hi hawile kom zong nih bochan taktakmi a si i a nun nawl zong a ttha tiah theih a si. Chungkhar an ngaihchiatnak miphun pi nih kan i hrawm ve.
Thawngdang Relchih: Gangaw Ah Chin Ramkulh Lei In Phurhmi Hriamthil SAC Nih A Tlaih. Magway ramṭhen, Gangaw No.1 Checkgate ah Chin ramkulh in Mandalay lei a kalmi khualtlawng leilawng 2 chung ah puahkehnak a chuahter khotu thilri (ဒီတိုနေတာ) thluan 5500 cu SAC ralkap nih February ni 15 ah an tlaih tiah tualchung mi nih an chim.
SAC nih hriamthil a tlaihnak kong cu SAC ṭanhtu media hna nih an phozar hnu ah cu thawngpang cu a dik ko tiah Gangaw tualchung mi hna nih an chim. “Gangaw ah an tlaihmi thilri hi mine sernak ding caah hmanmi thilri a si” tiah dohthlennak a tuahtu phu chungtel pakhat nih a chim. SAC nih a tlaihmi thilri kong ah a ngeitu phu theih a si rih lo. February ni 15, zanlei suimilam 4:00PM hrawng ah Gangaw peng No.1 checkgate ah Hakha in Mandalay lei a kalmi khualtlawng leilawng hna chung in tutan hi puahkehnak a chuahter khotu thilri a voikhatnak kan tlaih a si tiah SAC ṭanhtu media Fifty Two nih a langhter.
Leilawng khaltu cu biahalnak an tuah hnu ah, an hnu in a zulmi khualtlawng leilawng pakhat nih thilri a phurhnak kong cu SAC nih an theih caah lampi ah bawh in, puahkehnak a chuahter khotu thilri (ဒီတိုနေတာ) thluan 5000 an tlaih ṭhan. Leilawng khaltu cu tlaih an tong i, cu ni zinglei ṭhiam ah PDF caah riahcaw nan phurh tiin a dang leilawng khaltu 2 an tlaih chap hna tiah tualchung mi nih an chim. A luancia kum 2 chung ah hriam phun tling 17,697, kutser bomb lung 27,213 telh in zenkuan phuntling 1,382,668 kan tlaih tiah SAC nih a thanh.
